她们仨 (ZT)

楼主 / 回音宝宝

杨绛先生以过百岁高龄辞世，中国真正嘅知识分子应该绝种。杨绛德高望重到可以称之为先生，在世嘅女士并无其他人，仲唔係消失的国宝？佢如何德高望重？有冇睇佢写嘅、非常恐怖嘅《我们仨》。说其恐怖，係因为内容直情係中国知识分子惨绝人寰嘅故事，浪费生命嘅写照。但係杨绛写出来嘅文字平平淡淡，没有半咝感觉，更何况一点仇恨，彷彿是道出一个虚构故事，但其实是自己几十年亲身经历。面对绵绵不绝嘅困境，贫病批鬥交煎，到晚年丈夫女儿先後离去，还可以淡然写本书记录三人生活，无仇无恨，道行之高，只有真正读书人世外之心才可达到。

凡事没有如果，如果钱锺书杨绛留在牛津没有回国，会否变成诺贝尔文学奖得主？没有回国，毋须花时间译毛选，毋须浪费精神在宋诗，成就会否更高？没有回国，《管锥篇》就不用以艰深文言文写成，避过红衞兵毁灭，今日会否成为一本文字显浅易读嘅鉅著？不过杨绛没有後悔回国，不想做二等公民，宁愿做一等蚁民。知识分子，书中训话，係唔可以苟且生存。

廿一世纪，见到咁多案例，读书切忌半桶水。一係，你就要读到钱锺书杨绛嘅级数，书中自有一片天，无惧世情险恶，内心充实就天下无敌，一张枱一张凳就可以过一生。又或者，你要早早脱离读书行列，去发展自己兴趣为事业，好似Facebook、Apple一样。读到半桶水，硕士博士，出嚟又係搵份工，返工等放工，自觉大才小用，为口奔驰。

最弊为咗读书欠下一笔债，清还完毕，已是十年身。到头来，有读书人嘅头巾气，冇知识分子向内心找寻世界嘅道行，过着俗世要求嘅生活，唔使104岁，你34岁已经觉得命太长。