男人好X绝对！男人好X简单！

楼主 / 無極

ZT
一个有正常价值观嘅男人，其实系有好多绝对噶。男人好鸠绝对！男人好鸠简单！好多女人成日都话唔明男人，但其实呢个系一个盲点。就好似一只猫成日话俾你知，佢唔明只狗谂咩，但其实如果你明，你就系只狗啦。

一个正常价值观嘅男人，其实系有好多绝对。闹交时，男人绝对唔会想将场仗搬过夜打，所以如果可以嘅话，男人大多数都想舖舖清，免得第二朝起身又要浪费时间再搞多次。如果唔信嘅，女人们可以试吓下次闹交时唔好咁不死不休，俾小小位你嘅伴侣走，得到嘅回报可能仲可观过啲基金股票架。

好多女人都钟意收观音兵，其实一般男人都唔系太介意，只要女人收嘅观音兵透明度够高的话。但偏偏好多女人收观音兵收到搵老公咁，讲个电话又要鬼鬼祟祟，食餐饭又要呃呃氹氹。收观音兵之嘛，使咩怕呀？你估你哋条仔以前冇做过其他女嘅观音兵咩，佢明架，佢真系明架。

所以下次女人收观音兵就分清楚，呢个世界系冇暧昧嘅观音兵，一只都冇。

讲钱时，男人唔会太钟意同女人讲钱，因为要讲钱嘅时间多数都系男人冇钱嘅时间。你好难叫个男人同你哋讲「今日食M记得唔得呀？我冇钱呀。」点解？因为呢个系一个猜心游戏咯。

男人冇钱，就会觉得女人会嫌弃自己；呢个情况有小小似冇胸嘅女人都会觉得男人会唔太爱佢一样，你点劝佢哋都唔信，呢个世界真系有人唔太钟意钱，同埋大胸。

呢个问题要讲清楚，因为所以就算有时啲有钱观音兵送礼物俾你哋，你哋都需要好好处理吓。我知道，我知道收一只皮几嘢嘅表，仲要唔使用潜规则而单纯用吸引力就可以成功，系一件非常快乐嘅事。

但唔该望吓你条仔，如果有一日有个白富美无啦啦送架法拉利俾你条仔，你都唔会信佢哋系冇嘢。人之常情嚟，唔好怪自己。

不过好多男人都可以接受到，但女人收到礼物时唔好扮到太开心咁样会好小小咯。

其实男人比女人简单，因为佢哋本来就系直线思维嘅人种。可惜呢个世界只有两个人种，所以先显得男人系一样咁怪嘅动物嚟。