-
楼主 / 回音宝宝
- 时间: 2014-12-30 06:11致同僚：善良之枪的呼籲 （上）
2014/12/30 — 10:58
AAA
我是一个辅警，老散一名。
我在兰桂坊做很多夜尾(夜更) , 也遇过很多市民的刁难，饮醉酒的人真係好麻烦，我个人也很讨厌兰桂坊这种性质的地方，我一直视之为罪恶的温床，FIGHTING 非礼 THEFT 样样齐，仲吸引好多内地假和尚行乞同 FORM 8 仔(南亚仔)偷I PHONE。间唔时就会有 EVENT 迫爆老兰，D人饮到醉晒玩警察，俾人偷野俾人打，俾人摸醉左晕又要警察帮。但无计，警察份工就係咁，佢需要你帮个时阿SIR前阿SIR後，你话佢犯法个时起晒钢。我都好想老兰D人乖乖过马路，行返上行人路，D无醉既港女都唔聽你讲啦，我甚至想老兰呢个罪恶温床从此消失。这样纸醉金迷的夜店就我个人而言真是乱中之乱，铲除左就可以做少好多野。但我必须承认市民有喜爱夜蒲的自由，而我地当差都有保护夜蒲市民生命财产的责任。其实遊行集会都一样姐，市民係有咁既自由，基本法都写到明，而且香港贵为国际示威之都，示威遊行数目最多又最有秩序，香港警隊呢方面誉满全球，POE (公众集会 EVENT)一直都係警隊工作一部分，协助 POE 顺利完成无人受伤係职责所在。而家只係个 POE 长D耐D姐，睇返2014世界上有几多单示威，人地真係玩到好激，烧晒车，又係留好多 DAYS, 外国玩佔领一玩就半年，呢个係世界潮流，大家都要有心理準备，陆续有黎，要调节下以前对集会的想像。你都换左 I PHONE, 无理由仲谂大哥大时代。
清垱在即，我语重深长真心想同各位伙记讲几句。我知大家捱左咁耐好辛苦，一心为服务市民加班销假仲要被人叫黑警、警渣係会感到委屈亦好伤自尊。日日返工已经劲俾人闹，FB 俾人 UNFRIEND, 断六亲。几时当差的社会地位仲低过黑社会，变过街老鼠。无得睇医生。唔开心，明既。唔忿气，明既。
但我真心劝大家一句，上级 ORDER 真係问返学堂个句「LAW 唔 LAWFUL 呀?」先好做，保障自己，千祈唔好使用非必要武力。
第一，因为一向「有大食大，上级揹飞」已经唔岩用，睇下暗角7警就知，有 CIP 係度架，佢叫你打，你真係打以为无事，到头来佢自身难保，点揽D细? 追究起上黎总督察都唔够照。而家成街相机，千祈唔好以为白恤衫俾 ORDER 一定无事。特别係而家呢个时势，D新昇猪粒 (见习督察) 从来都无行咇被问候经验去提昇EQ，一係就係好多年无行过咇D旧制白衫，一黎就见D (或见返D) 咁大垱面，仲要以为自己好威威可以大展官威，君不见好多白衫仲激动过D伙记沙展，以为著住套白衫在警署外都可以受到警署内的尊重，以为自己真係不能被挑战，起势就又拉又打。D上级咁唔冷静，做伙记仔真係好难做，你使用不必要武力打人，我做细唔通教返上级做野? 你手指指话要拉要锁，我觉得无必要都无得唔做喎，呢个时候真係望下附近有无可靠的沙展用前缐的智慧降降温。如果唔係拉咁多人返馆，好多手尾跟，又唔係咩重犯，可能讲一唡句表达下心情，大事化小咪唔驶值日官咁多野做。何必自己人玩死自己人。
仲有而家D学生哥学生妹瘦到条籐咁都企前缐，如果俾人扑几棍，你再轻力加一棍，就係果棍打到佢重伤残废可能死埋，到时真係千古罪人，监都有得坐。大家都唔係黑心既人，我谂无一个警察想咁样清垱。为左高层一句「全力以赴」，豪赌自己前途，仲可能入册，一D都唔值。仲要其实可以搵执达主任分几次清，中信都可以斯文清啦，唔明警隊今次搏咩。有无谂过你一句「全力以赴」做个 MISSION IMPOSSIBLE，要好多前缐同事 TAKE RISK 可能犯法。所以就算一次过清唔到都唔好觉得有损警威而夹硬清。记住你做唔完有下更接替的。
一句到尾，学堂个句，当得差，一隻脚已经踩左入监仓，万功不能补一过。作为执法者，权力係法律赋予的，同时亦被法律限制。只有在法律之内执法，法律才能保护我，CP(署长)都保唔到我。
祝大家平安收工
thestandnews.com/polit...%E4%B8%8A/ -
善良之枪
