-
楼主 / 港平
- 时间: 2020-6-06 02:36
喺太平洋嘅另一边，有一班人为咗反对种族歧视、反对警暴，正喺度同邪恶嘅美国总统特朗普政府「作战」，正当大家以为香港嘅「正义」揽炒派会为美国「手足」发声？
错喇，佢哋竟然完全无声援美国「手足」、对抗特朗普！
有传媒为咗呢件事去问揽炒派嘅回应，结果民主党绝大多数议员无回覆，公民党立法会议员杨岳桥就叫记者问外交部发言人，本土派立法会议员朱凯廸就质疑记者「以为执到宝」，完全唔谴责特朗普同美国警察。
正义？自由？公平？对於揽炒派嚟讲，只系政治口号，no more！
其实，选择支持美国嘅示威者，系一句说话；选择支持特朗普呢，亦只系一句说话。
揽炒派政客左闪右避，连表态都唔敢？算咩从政者呢？
如果单纯讲件事，以揽炒派嘅政治立场，应该会企喺示威者或者暴徒一边，因为警察涉嫌杀人系事实，美国嘅警暴、歧视同不平等问题亦系事实，理论上揽炒派「无理由」唔支持佢哋。
佢哋之所以唔出声，系因为佢哋依家乞求紧美国干预中国、香港事务，想人哋嘅总统出头「帮佢哋」！
所以呢，仁义道德好，民主自由好，对揽炒派而言，根本只系口号，对住香港政府，佢哋就「系威系势」，对住美国政府，就剩系识得摇尾乞怜同唯命是从。
讲到底，佢哋为嘅亦唔系咩普世价值，而系政治利益。
如果揽炒派仲有啲立场同原则嘅，唔该，行出嚟评价下自己「主子」，或者讲清楚自己立场，唔好喺度扮正义，但对住某啲事件又「扮睇唔到」！ -
揽炒派竟然放弃美国「手足」！？
