黄世泽：赵家贤呢条友同前海咁多关係都适合做民主动力召集人

2018-11-21 00:07:39

文章内容

民主派初选成单嘢都鬼影幢幢，只不过，泛民啲防卫机制都蠢到无朋友，李永达同李华明呢对投共孖宝固然唔驶讲。只不过，民主动力赵家贤呢条友亦好有问题。我对刘舒燕同赵家贤係用同一个标準睇佢地。依家我就係无法信任赵家贤呢条友。

赵家贤做前海人民法院嘅调解员

大家记得东华选区补选，我捉刘舒燕呢件鎅票党最大证据，就係佢成日出席前海果啲活动，前海係洪为民果条缐。依家赵家贤一样有咁嘅问题，我呢张图係读者提供，公开大学校友活动嘅screen capture出嚟。如果同共产党无关係，我想问赵家贤点解可以做到前海人民法院嘅调解员，刘舒燕小姐都无赵家贤咁劲，可以得到前海人民法院指派做调解员，唔怪得佢鎅票都鎅得咁鬼霉喇。

如果呢次初选无一个胶到无朋友嘅Plan B机制，我都未必想煮赵家贤重米，只不过，依家赵家贤恶到叫张秀贤唔好向传媒披露民主动力内部嘅嘢，咁我觉得呢啲鬼到唔鬼嘅友仔，都係时候笃爆佢。我唔明民主动力用乜标準决定召集人，但民主动力作为民主派协调嘅大脑，如果出现一啲背景可疑嘅人，咁係无民主派支持者会信呢个机制，我十分之希望赵家贤解释清楚佢同前海之间嘅关係，我唔想类似冯炜光、李华明呢啲投共之徒控制民主派嘅初选机制，另一方面，泛民班大佬，最好都同公众解释一吓佢地嘅搵人準则，呢次坚係捉老鼠落米缸，我完全无眼睇，佢仲要係守住泛民嘅其中一个关键选区太古城添，认真无眼睇嘅无眼睇。

我一向捉鬼都一视同仁，无论你挂住本土定泛民个朵，有证据係鬼我都会攞出嚟讲，因为中共第五纵隊嘅手法係全方位，你谂唔嘅鬼招都用得出嚟，当年李光耀打马共，点解用嘅手法咁神憎鬼厌都要用，都係因为马共嘅招数师承中共，又狗又仆街，衰过啲老鼠同小犟，你无办法唔用辣招，保住新加坡嘅安宁。

其实民主派协调机制，仲靠乜嘢民主动力，有可能戴耀廷教授嘅雷动计划更有效，至少中共要渗透能影响嘅少好多先。雷动计划出现仇思达搞破坏都可以有效大家就明。香港搞民主搞组织其实好危险，有组织就会有中共渗透，所以有啲人好想你搞组织嘅话，你小心佢嘅身份同建议。

点击: 0 | 评论: 0 | 分类: 上传 | 论坛: 情系中国 | 论坛帖子

分享:

分享到微信

文章评论

现在还没有任何评论，欢迎您发表您的看法或者回复。

发表评论

The images, logos, trademarks used on this site and all forwarded content are the property of their respective owners.
We are not responsible for comments posted by our visitors, as they are the property of the poster.
All other content of this website is copyrighted by 加西网

加西网为北美中文网传媒集团旗下网站