暴徒系咁将暴力升级，由遊行、掟砖升级到意图「谋杀」，盲反派政客、媒体「始终如一」，坚定支持暴徒暴行；佢哋呢几个月嘅招数都好简单，就系将所有责任推卸俾政府、警方，而暴徒不但「无错」，而且系为香港抗争嘅「义士」。今日广男睇《生果报》，发现佢哋嘅专栏作家李怡将呢种「卸责精神」推到极致，佢竟然想攞恐怖组织ISIS（伊斯兰国）同港府、警察作比较，甚至称「ISIS公开他们要进行的恐怖活动，事後也毫不隐瞒，不像港共政权及警方，做了又不认，谎话连篇」；言下之意，李怡系咪想讲港府、警察比ISIS更恐怖呢？

先搞清楚事实吧！

李怡嘅谬论，恕广男唔喺度一一细录喇，如果大家有兴趣，可以睇返佢今日喺《生果报》刊登、题为〈世道人生：比六四更邪恶〉嘅文章。对於李怡嘅「伟论」，大家首先要请教下李怡，当佢攞ISIS同港府警察比较嘅时候，李怡系咪唔知道，香港之所以乱到今天，系因为不断有暴徒破坏，打砸抢烧甚至想「谋杀」他人，点解佢唔讲下啲暴徒做过乜，而一味攻讦有必要执法嘅警方呢？就以呢几日发生嘅事为例，袭警行为李怡唔提下？恐袭港铁李怡唔提下？私刑暴打市民李怡又唔提下？有人俾兇徒淋易燃液体兼火烧李怡都唔提下？李怡所讲嘅ISIS，其实系咪另有所指呢？

李怡的笔比暴徒更恐怖

广男就觉得，以李怡嘅视野、水平以至留意新闻嘅程度，佢无可能唔知啲暴徒做过咩「好事」，佢之所以唔理班暴徒做乜，而一味攻讦港府、警察，其实离不开三大原因，第一系无论暴徒有几暴力，佢作为盲反派一分子，都要为暴徒暴行开脱；第二，《生果报》以至佢本人嘅任务，根本就系要散播仇恨，令人「仇警」，唔系仲点有人出嚟反政府；第三，亦都系最恐怖嘅一点，就系李怡讲咁多歪论，似乎系想其他人认同暴徒嘅暴力行为，感觉就好似「如果唔系因为政府咁，班示威者（暴徒）又驶乜咁做呀？」。好多时候，「有笔」在手嘅人，往往比暴徒更恐怖，令人更心寒。

睇李怡呢篇文，仲有个几有趣嘅地方值得商榷，就系李怡喺文卓尾段提到「新冷战」，称「这新冷战怎么就如此诡异地让一个小小的香港 … 去与一个力量悬殊的犟权抗争呢？」其实呢，成日提「新冷战」嘅，好似系《生果报》老闆黎智英喎，李怡咁讲，系咪连佢都想串黎智英「比喻不伦」呢？如果系，不妨讲白啲喇！ 

转自作者 聂广男

点击: 0 | 评论: 1 | 分类: 上传 | 论坛: 温哥华不眠夜 | 论坛帖子