早年移居外地港人个心点解咁蓝？

文章内容

转载
------------------------------------

有些香港嘅朋友，好感慨点解有咁多早年移居外地，揸住外国护照，正享受住外国民主自由嘅港人，个心会咁「蓝」。觉得佢地係咪已经出卖咗良心。

唔係想帮佢哋讲说话，不过我的确唔认为係佢地良心有问题，反而係，佢哋吸收资讯嘅途径出咗问题。

港人移民，特别係上一代嘅移民有一个普遍问题，就係唔係太懂得融入当地西方社会。佢哋嘅生活习惯，依然係「尽量」港式，社交嘅圈子，亦会「尽量」香港化。读嘅係中文报纸，睇嘅…係 TVB。当香港人已经越嚟越唔睇电视，更加越嚟越唔睇 TVB 嘅时候，你会发觉 TVB 在外地华人家庭嘅渗透率高得惊人。正版翻版嘅 TVB 电视盒，个个家庭都有，而且日日都睇。

香港人唔睇大台，尚有极多渠道接收社会资讯。但人在外国，这些电视盒，变成好多华人家庭用以紧贴香港嘅主要渠道。香港人唔睇 TVB，知道 TVB 新闻有伏，可能极其量係近五至十年嘅事。然而上一个移民潮，係九十年代。那个时候大家仍然係睇极多大台。香港移民喺嗰个时候离开香港，吸收资讯嘅习惯亦定格喺嗰一个年代。惯性收视喺香港已经逐渐被打破嘅时候，在外地嘅港人社区，大台收视郄稳如泰山。港人移民日复日，年复年地接收单一资讯，视角和价值观当然会被影响。要知道，唔习惯融入主流社会嘅移民们，係连当地主流新闻都很少看的。

*後补多几句:
大家係由几时起，同因为咩原因开始发觉大台新闻有伏？人在香港，对本地发生嘅事情，其实有眼睇，亦有感受。当发现大台新闻所呈现嘅社会狀态，与自己亲身感受同亲眼见到嘅并不一样嘅时候，你就自然会醒觉，会明白大台有伏。但移居外地嘅人，郄唔会有我地呢个体会，佢地无法亲眼见证，无法亲身感受。要有我地本地人嘅感悟，係有难度嘅。

移民係双刃剑，有人因为去到外国生活而扩阔视野，但同时亦有唔少人因为移民到外国，生活圈子被困在小圈子当中而变得视野更加收窄…讲到尾都係睇性格同彩数。